આજના આ આર્ટીકલમાં અમે સફેદ પેઠાના જ્યુસના ફાયદા વિષે વાત કરવાના છીએ. આ સફેદ પેઠાનું જ્યુસ ખુબ જ શક્તિશાળી અને શરીરને ડીટોક્સ કરનારું જ્યુસ છે. આ જ્યુસ શરીરની અંદર જામેલી બધી જ ગંદકીને દુર કરવાની ક્ષમતા ધરાવે છે. સફેદ પેઠામાં ખુબ જ ઉપયોગી પોષકતત્વો હોય છે જેમ કે આયર્ન, કેલ્શિયમ, મેગ્નેશિયમ, સોડીયમ, ફોસ્ફરસ, તાંબુ, સેલેનીયમ, પોટેશિયમ, વિટામીન-C અને વિટામીન B-1, B-3 હોય છે. આ એક એવું જ્યુસ છે કે જે ચુબકની જેમ શરીરની અંદર રહેલા બધા ટોક્સીનને ખેંચવા લાગે છે. આ જ્યુસ શરીરની સાથે સાથે મનને પણ સાફ કરે છે અને બુદ્ધિ વધારે છે. આ જ્યુસનો માત્ર એક જ ગ્લાસ દરરોજ સવારે સેવન કરવાથી તમારું સ્વાસ્થ્ય બદલી શકે અને શરીરીને રોગમુક્ત કરી શકે છે. આ આર્ટીકલમાં અમે આ જ્યુસ કેવી રીતે બનાવવું એ પણ જણાવશું.
સફેદ પેઠાનું જ્યુસ એકદમ સામાન્ય સ્વાદ વગરનો ટેસ્ટ આપે છે સાથે જ શરીરમાં અનેક ફાયદાઓ પણ કરે છે. વધારે પડતું જંક ફૂડ, પેકિંગમાં બંધ, ડબ્બા બંધ અને તેલથી ભરેલું ભોજન કરીએ છીએ ત્યારે કે દિવસમાં ત્રણ વખત અનાજ ખાઈએ છીએ ત્યારે આપણા આંતરડા ખરાબ થઈ જાય છે. વર્ષો સુધી આંતરડામાં ગંદકી ભરાઈ રહે છે અને આ ગંદકી મોટામાં મોટી બીમારીને ઉત્પન્ન કરે છે, જેવી કે ડાયાબીટીસ, બ્લડપ્રેસર, થાઈરોઈડ, મોટાપા, અસ્થમા, માઈગ્રેન, કેન્સર જેવી સમસ્યાઓનું આગમન કરે છે.
આ સફેદ પેઠાનું જ્યુસ શરીરમાં ડીટોક્સ પ્રક્રિયા કરવાનું કાર્ય કરે છે. જયારે આ જ્યુસ શરીરમાંથી પસાર થાય છે ત્યારે જૂનામાં જુના કચરાને પોતાની સાથે લઈને નીકળે છે. આ જ્યુસને દરરોજ પીવાથી તમે જોશો તો એક અઠવાડિયામાં તમારી ચામડી ચમકવા લાગશે સાથે એક નવો જ ગ્લો આવી જશે, વજન સામાન્ય થવા લાગશે. જો કોઈ બીમારી કે બીમારીનું બીજ શરીરની અંદર બેઠું છે તો તે શરીરની બહાર નીકળવા લાગશે. સફેદ પેઠાના ફળને સસ્કૃતમાં કુષ્માંડ પણ કહેવામાં આવે છે. જેનામાં ઈંડા કરતા પણ અનેક ગણી શક્તિ હોય છે.
આ સફેદ પેઠાના જ્યુસનો ટેસ્ટ પાણીની જેમ ટેસ્ટ વગરનું હોય છે. તેનો કોઈ સ્વાદ હોતો નથી. તે કડવો કે મીઠો એકપણ સ્વાદમાં હોતો નથી. આ પેઠું બહારથી હળવું લીલું અને અંદરથી સફેદ રંગનું હોય છે. આ કોઇપણ શાકભાજી વાળાની પાસેથી આરામથી મળી જાય છે. આપણા દેશમાં આ પેઠાને અલગ અલગ નામથી ઓળખવામાં આવે છે. આ માટે જ્યુસમાં ઉપયોગમાં લેવા માટે મોટા પેઠાનો ઉપયોગ કરવો. નાના પેઠામાં બીજ વધારે હોય છે અને જ્યુસ ઓછુ નીકળે છે. માટે જ્યુસ બનાવવા માટે મોટા પેઠાનો ઉપયોગ કરવો.
આ રીતે બનાવો સફેદ પેઠાનું જ્યુસ : એક ગ્લાસ જ્યુસ બનાવવા માટે લગભગ 250 ગ્રામ પેઠાનો ટુકડો લેવો. સૌથી પહેલા તેની બીજ અને છાલ કાઢી લેવી ખુબ જ જરૂરી છે. કારણ કે તે કડવા હોય છે. જો તે કાઢવામાં નહિ આવે તો તમારું જ્યુસ પણ કડવું બની જશે, આ પછી તેના નાના નાના ટુકડા કરી લેવા. ત્યારબાદ તેને જ્યુસરમાં નાખી જ્યુસ કાઢો. આમાંથી ખુબ જ સારું જ્યુસ નીકળે છે. સફેદ પેઠા પ્રાકૃતિક રીતે સૌથી આલ્કેલાઈડ શાકભાજીઓમાંથી એક છે. મતલબ કે તેના દરેજ ઘૂંટમાં ઉર્જા ભરેલી હોય છે. માટે જ સફેદ પેઠાને દુનિયાનું સૌથી ઉત્તમ શાકભાજી માનવામાં આવે છે. જો તમારી પાસે જ્યુસર મશીન ન હોય તો આ ટુકડાને મિક્સર નાખી દો. જયારે મિક્સર માંથી પેસ્ટને કાઢીને કોઈ વાટકા પર કપડું રાખીને તેમાં આ પેસ્ટને નાખો. ત્યારબાદ આ કપડાને વળ ચડાવીને તેમાંથી રસ કાઢી લો.
આ રીતે રસ કાઢીને તેને 15 મીનીટની અંદર પી જવો. ખુબ લાંબા સમયે બહાર રાખીને તેને ન પીવો જોઈએ. આમ, કરવાથી તેમાં જે ગુણ હોય છે તે ઓછો થઈ જાય છે. આ જ્યુસનો ફાયદો ત્યારે મળે છે જયારે તમે તેને ધીમે ધીમે પીવો. જો તમે આ જ્યુસ બાળકને પીવરાવવા માંગો છો અને તેને મીઠું કરવા માંગો છો તો તેમાં 50 ટકા નારીયેળનું પાણી નાખો. આ રીતે બનાવેલા જ્યુસને આશ કોકો જ્યુસ કહેવામાં આવે છે. આ જ્યુસને દરરોજ સવારે ખાલી પેટ પીવું અને પીવાના 1-2 કલાક સુધી કંઈપણ ન ખાવું, કારણ કે આ સમયે એ શરીરમાં ખુબ જ સફાઈનું કામ કરે છે. જો આ સમયે બીજી વસ્તુ ખાઈ લેવામાં આવે તો શરીરમાં સફાઈ અટકી જશે. આ માટે આ જ્યુસ લેવાના એક-બે કલાક બાદ જ નાસ્તો કરવો.
સફેદ પેઠાનું જ્યુસને ગમે તે સમયમાં પી શકાય છે, આ જ્યુસ શિયાળો, ઉનાળો અને ચોમાંચું ત્રણેય ઋતુમાં વાપરી શકો છો. પરંતુ ઠંડીની ઋતુમાં આ જ્યુસ સામાન્ય રૂમ તાપમાને રાખવું જોઈએ. આ જ્યુસને સાયનસ અને અસ્થમાની સમસ્યામાં પણ લઈ શકાય છે. આ રીતે આ જ્યુસ શરીરમાં રહેલી ગંદકી દૂર કરવાનું કાર્ય કરે છે. આમ, નિયમિત સફેદ પેઠાનું જ્યુસનું સેવન કરવાથી ખુબ જ ફાયદો થાય છે, આશા રાખીએ કે આ માહિતી તમારા માટે ખુબ જ ઉપયોગી થાય અને તમારી બીમારીઓમાં રાહત અપાવે.
નોંધ : આ આર્ટીકલમાં જણાવેલ માહિતી ફક્તને ફક્ત શેક્ષણિક હેતુ માટે આપવામાં આવી છે. આ આયુર્વેદ ટીપ્સ તથા નુસખા દરેકની તાસીર અનુસાર કામ કરતી હોય છે, માટે કોઈ પણ આયુર્વેદિક પ્રયોગ કરતા પહેલા તમારા ફેમીલી ડોક્ટર અથવા વૈધની સલાહ અવશ્ય લેવી જરૂરી છે.
જો તમે આવી જ માહિતી અને જાણકારી મેળવવા માંગતા હોય તો નીચેનું Like Button દબાવીને અમારા પેજને લાઈક કરો. જો આ માહિતી ઉપયોગી લાગે તો લોકો સાથે જરૂર share કરવા વિનતી.
